Shtime, e nevojshme nxjerrja e strategjisë së veprimit - policimi në bashkesi
Është mbajtur takimi informues – konsultativ me përfaqësuesit e fshatrave dhe Lagjeve Urbane të Shtimes. Ky takim është organizuar nga Policia e Kosovës (PK), në bashkëpunim me Komunën e Shtimes, ndërsa është duke u mbajtur në kuadër të “Strategjisë së Veprimit, Policimi në Bashkësi 2017 – 2021”.
Nënkryetari i Komunës, Rrahman Jakupi hapi takimin, i cili shprehu mirënjohje për bashkëpunim të mirë në mes të Institucionit të Komunës së Shtimes, Policisë së Kosovës në Shtime, përfaqësuesve të fshatrave dhe Lagjeve Urbane.
“Ky dokument është një koncept i bashkëveprimit me qytetarë dhe partneritet në mes të akterëve për një ambient të qetë dhe të sigurt”, tha ai.
Po ashtu lidhur me Strategjinë e Veprimit folën rreshteri i PK-së, Nexhmedin Ahmeti dhe rreshteri Hasan Hysenaj të cilët prezantuan dokumentin, përmbajtjen e saj, nevoja për hartimin e saj, ndërsa në veçanti prezantuan edhe ndarjen e sektorëve të komunës së Shtimes.
Përfaqësuesit e fshatrave dhe lagjeve urbane përshëndetën këtë takim, si dhe paraqitën disa nga pikëpamjet e tyre lidhur me policimin në bashkësi dhe problemet që preokupojnë qytetarët në komunitetet e tyre. /InfoKomuna/
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Asociacioni i Komunave dhe Swisscontact nënshkruan marrëveshje me dy komuna për zhvillimin e turizmit 10:43 / 17.04.2024 Në përputhje me objektivat e Projektit të SWISSCONTACT-it / Promovimi i punësimit në sektorin privat (PPSE) për fuqizimin e turizmit të qëndrueshëm në Komunat e Republikës së Kosovës dhe në bashkëpunim me Asociacionin e Komunave të Kosovës është...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.