Komuna dhe Qeveria e Gjermanisë përkrahin 37 mikro biznese
Kryetari i Komunës së Suharekës z.Sali Asllanaj dhe Shqipe Breznica, kordinatore e programit nga organizata gjermane Help, kanë nënshkruar sot marrëveshjën e bashkëpunimit për të ndihmuar mikro bizneset në Komunën e Suharekës.
Kjo do të bëhet në kuadër të Projektit Mbështetje stabilitetit socio-ekonomik në rajonin e Ballkanit Perëndimor që financohet nga Qeveria e Gjermanisë, Qeveria e kosovës dhe Komunës së Suharekës si partnere e Projektit.
Qëllimi i këtij Projekti është ngritja e kapaciteteve të grupeve të cenueshme në sferen ekonomike dhe shoqërore, në mënyrë që të krijohen mundësit për pjesmarrje aktive në shoqëri.
Ndërsa objektiv i kësaj mbështetje është zvoglimi i nivelit të varfërisë në mësin e grupeve ekonomikisht të cënueshme.
Projekti do të realizohet gjatë vitit 2018 ndërsa do të përfitojnë 37 mikro biznese nga komuna e Suharekës.
/InfoKomuna/