Në Suharekë nis projekti "Nga një të punësuar për familje"
Nga Komuna e Suharekës, do të nis fushata për Projektin “Nga një të punësuar për familje” e cila do të përfshijë familjet me asistencë sociale të kategorisë së dytë e që në këtë Komunë ka rreth 176 familje.
Ky projekt do të jetë i përbashkët me Komunën e Suharekës, kështu u tha në takimin që u zhvillua sot në Suharekë, ku të pranishëm ishin edhe zv.kryeministri i Kosovës, Fatmir Limaj, ministri i MPMS-së Skender Reçica, zyrtarë të nivelit lokal dhe qendror dhe familjarë me asistencë sociale të kategorisë së dytë.
Takimin e bëri të hapur drejtoresha e Drejtorisë së Shëndetësisë në Suharekë, Sale Bytyçi, kurse më pas ka ftuar për një fjalë rasti kryetarin e Komunës, Bali Muharremajn.
“Shumë shpejt do ta kemi një marrëveshje me MPMS-në, përmes së cilës do të punësohen rreth 30 persona. Kështu do të punojmë që hap pas hapi të punësojmë edhe shumë persona tjerë në Komunën tonë”.
Ndërkaq, zv.kryeministri i Kosovës, Fatmir Limaj, ka dhënë arsyen pse ky projekt po fillon nga Komuna e Suharekës.
“Jo rastësisht po e fillojmë nga këtu, sepse Theranda njihet si Komuna, banorët e së cilës janë shumë punëtorë, kjo ishte edhe arsyeja pse po e fillojmë nga këtu”, tha ai.
E ministri Reçica ndër të tjera ka thënë se "punësimi nuk do të jetë më brengë e juaja, por e jona, për këtë qëllim edhe po e fillojmë projektin për të punësuar nga një anëtarë te familjes që nuk e kanë asnjë të punësuar". /InfoKomuna/
Asfaltohet mbi 1 kilometër rrugë në lagjen Veli-Miftari në fshatin Jezerc 10:48 / 16.04.2024 Kryetari i Komunës së Ferizajt, Agim Aliu, ka njoftuar se është bërë asfaltimi i mbi 1 kilometër rrugë në lagjen Veli-Miftari në fshatin Jezerc.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Komuna e Vitisë ka filluar me vizitat sistematike të nxënësve nëpër të gjitha shkollat e saj 10:50 / 15.04.2024 Qendra Kryesore e Mjekësisë Familjare (QKMF) në Viti, ka filluar sot me vizitat sistematike të nxënësve të shkollave të komunës së Vitisë.