Tentim vrasje në Graqanicë, plagoset një person-arrestohet i dyshuari

GraçanicëPostuar: 10:29 / 13.02.2018

Të shtëna me armë zjarri janë dëgjuar mëngjesin e sotëm në lagjen Marigona në Graqanicë, me ç’rast është plagosur një person.

Policia me të dalë në vendin e ngjarjes ka arritur ta arrestojë edhe të dyshuarin.

“Sot rreth orës 08:00, policia ka marrë informacionin se në lagjen Marigona, në Graqanicë, ka pasur të shtëna me armë zjarri.

Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.

Me të dalë në vendin e ngjarjes policia ka konstatuar se ka të bëj me vrasje në tentativë ku nga arma e zjarrit ka marrë plagë viktima:

P. G, mashkull, 54 vjeç, shtetas i Republikës së Kosovës, i cili menjëherë është dërguar për trajtim mjekësor.

Lidhur me rastin në fjalë policia ka arrestuar në vendin e ngjarjes personin e dyshuar:

F. F, mashkull, 64 vjeç, shtetas i Republikës së Kosovës .

Në vendin e ngjarjes po ashtu policia ka gjet dhe konfiskuar:

një armë zjarri ( revole që dyshohet të jetë përdorur në vendin e ngjarjes),
një granatë dore ( e pashpërthyer e cila është larguar nga njësiti i specializuar për deminim),
një elektroshok,
pesë gëzhoja dhe
2 fishekë.

Personi i dyshuar është duke u intervistuar nga ana e policë ndërkohë që hetuesit policor krahas ekzaminimit të vendit të ngjarjes, janë duke punuar në sqarimin dhe ndriçimin e të gjitha rrethanave që kanë të bëjnë me rastin, thuhet në njoftimin e policisë. /Telegrafi/

FerizajKomente: 0 Kompanitë ndërtuese krijojnë deponi jashtëligjshëm në Ferizaj 10:59 / 18.10.2018 Kompanitë që merren me ndërtime të larta banesore në Ferizaj përveç kaosit urban vazhdojnë të shkaktojnë edhe telashe të tjera mjedisore, derisa ato shpeshherë po krijojnë deponi mbeturinash inerte në vende të ndryshme.
PrishtinëKomente: 0 Vetëvendosje kërkon shkarkimin e bordit të Stacionit të Autobusëve 17:11 / 18.10.2018 Lëvizja Vetëvendosje përmes një konference për media sot ka paraqitur keqpërdorimet që janë gjetur nga auditori i përgjithshëm për ndërmarrjen komunale “Stacioni i Autobusëve” dhe Trafikun Urban në Prishtinë, duke kërkuar nga kryetari i Prishtinës,...