A do të dalin sot nga karantina? Mjekët e infermierët e Vitisë po presin testet e IKSHP-së
17 mjekë e infermierë të Qendrës Kryesore të Mjekësisë Familjare në Viti, përfshirë edhe drejtoreshën, do të testohen sot. Nëse rezultatet e tyre dalin negative, ata do të lirohen nga karantina.
Të njëjtit janë vendosur në karantinë para 15 ditësh, meqenëse kishin pasur kontakt me ambientin ku ishte trajtuar 77-vjeçari i infektuar me COVID-19, raporton Express.
Drejtoresha e QKMF-së, Vjollca Kadolli i ka thënë Gazetës Express se po presin që të vijnë ekipet e Instititit Kombëtar të Shëndetit Publik që t’ua marrin mostrat.
Sipas saj, asnjë prej mjekëve e infermierëve nuk ka ndonjë simptomë të koronavirusit.
“Jemi në pritje të ekipeve të IKSHP’së me na i marr mostrat, pastaj nëse rezultatet dalin negative, dalim nga karantina. Gjendja e të gjithëve është e mirë, s’ka asnjëri ndonjë simptomë”, ka thënë Kadolli për Express.
Ndryshe, mbrëmë Instituti Kombëtar i Shëndetit Publik ka njoftuar se janë konfirmuar shtatë raste të reja me koronavirus në Malishevë.
Sipas IKPSHK-së, të gjitha rastet janë të njohura, të kontaktuara dhe në vetëizolim. Me këto shifra numri i të prekurve në Kosovë kap shifrën 86.
“Sonte më 26.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar edhe 25 mostra nga Malisheva prej të cilëve 7 rezultuan pozitive. Të gjitha rastet janë të njohura, të kontaktuara dhe në vetëizolim”, njoftoi IKSHP-ja.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...