Haliti: Infermieria, bërthama e shërbimit shëndetësor
Kryetari i Komunës së Vitisë, Sokol Haliti, në Ditën Ndërkombëtare të Infermierisë, shpreh gjithë respektin e tij dhe të institucioneve komunale, për punën e palodhshme dhe angazhimin maksimal të këtyre profesionistëve.
"Në ditët e sotshme të zhvillimit të mjekësisë bashkëkohore, roli i infermierisë po fiton një dimension të ri të fuqizimit, duke i bërë infermierët ofrues të përkujdesit për miliona njerëz. Shërbimet shëndetësore pa infermierinë janë të pamundura apo jo të plota. Kështu infermieria mbetet bërthama e këtij shërbimi, e përqendruar në promovimin e shëndetit, parandalimin e sëmundjes, kujdesin për të sëmurin dhe rehabilitimin e tij", ka shkruar Haliti në urimin e tij.
I pari i komunës, i përgëzon infermierët për sakrificën dhe kontributin e çmueshëm që po japin, sidomos, në këtë kohë pandemie.
Në mënyrë të veçantë, ai, u duartroket infermierëve vitias, të cilët bashkë me mjekët, të parët u përballën me këtë gjendje, duke qëndruar të përkushtuar, gjatë gjithë kohës, në krye të detyrës. /InfoKomuna/
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Kryetari Rama priti në takim luftëtarin e lirisë, Jon Harrison 10:44 / 16.04.2024 Kryetari i Komunës së Prishtinës, Perparim Rama, ka njoftuar se ka mirëpritur sot në takim luftëtarin e lirisë, Jon Harrison.
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan.