Hoti nënshkroi Marrëveshje Bashkëpunimi me Komunën e Vitisë

VitiPostuar: 14:04 / 21.11.2018

Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, zhvilloi një vizitë zyrtare në Komunën e Vitisë i shoqëruar nga zëvendësministri i Arsimit, Shkencës dhe Teknologjisë, Azem Guri.

Gjatë kësaj vizite, Koordinatori Nacional për Kulturë, Rini dhe Sport në Qeverinë e Kosovës z.Rexhep Hoti nënshkroi Marrëveshje Bashkëpunimi me Kryetarin e Komunës së Vitisë, Sokol Haliti për implementimin e Programit Nacional për Rininë për të gjithë nxënësit e kësaj komune.

Qëllimi i këtij bashkëpunimi është asistimi i ndërsjellë për implementimin e Programin Nacional për Rininë si dhe aranzhimin e përbashkët të aktiviteteve që kanë për synim promovimin e diturisë, kreativitetit kulturor dhe mendimin kritik dhe sportit.Koordinatori Nacional për Kulturë, Rini dhe Sport, Rexhep Hoti, e informoi Kryetarin Haliti për Programin Nacional për Rininë dhe për rëndësinë që ka ky program për nxënësit e Republikës së Kosovës.

Koordinatori Hoti falënderoi Kryetarin Haliti për gatishmërinë e bashkëpunimit për implementimin e Programin Nacional për Rininë. “Programi Nacional për Rininë është hartuar për secilin nxënës të secilës shkollës, duke filluar nga niveli fillor, i mesëm i ulët dhe niveli i mesëm i lartë. Kjo marrëveshje që nënshkruam sot është e rëndësishme për faktin se Komuna e Vitisë, edhe zyrtarisht po e mbështet Programin Nacional për Rininë, po mbështet një të ardhme më të mirë për nxënësit e komunës së Vitisë”, tha Koordinatori Hoti.

Ndërsa, Kryetari i Komunës së Vitisë , Sokol Haliti, shprehu vullnetin e tij të plotë për të mbështetur në çdo aspektin implementimin e Programin Nacional për Rininë.​ “Fillimisht dua t’ju tregoj që unë si kryetar, kam knaqësinë që të kontribuojë në jetësimin e një projekti që targeton rininë, pjesën më të rëndësishme të shoqërisë sonë. Komuna jonë do të ofrojë mbështetje në secilin aspekt  që është i nevojshëm”, tha Haliti.

PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.