Komuna e Vitisë e angazhuar maksimalisht në menaxhimin e COVID-19

VitiPostuar: 20:57 / 03.04.2020

Komuna e Vitisë, përmes Komitetit Komunal për Emergjenca dhe Qendrës Operative Emergjente Komunale, po vazhdon menaxhimin e situatës së krijuar në këtë komunë për shkak të pandemisë COVID-19.

Ndonëse në Viti deri me tani kanë qenë të konfirmuar 7 raste me koronavirus dhe në karantinë janë të vendosur fshati Stubëll dhe territori i kësaj komune deri me tani nuk ka më raste të reja të konfirmuara me këtë virus. Megjithatë kjo komunë po mbanë takime të vazhdueshme për menaxhimin e kësaj situate, ku në krye të saj pandërprerë po merret kreu i komunës së Vitisë, Sokol Haliti.

Kryetari i Komunës së Vitisë, Sokol Haliti gjatë një takimi që është mbajtur sot për menaxhimin e situatës së krijuar nga virusi COVID-19 i falënderoj të gjithë ata që kanë bashkëpunuar dhe po bashkëpunojnë që ky virus të mos përhapët më shumë në këtë komunë.

Ai theksoi se fal donatorëve të shumtë në Viti, janë shpërndarë deri me tani mbi 1300 pako ushqimore dhe higjienike. Gjithashtu ditë më parë kjo komunë përmes Kuvendit Komunal të Vitisë, ka marrë vendim për ndarjen e 100 mijë eurove për menaxhimin e situatës emergjente të krijuar nga pandemia COVID-19.

“Si komunë po bashkëpunojmë me të gjithë që sa ma mirë të menaxhojmë këtë situatë. Fatmirësisht nuk kemi raste të reja të konfirmuar me koronavirus dhe kjo falë punës së komiteti, QKMF-së, Policisë dhe në veçanti falë respektimit të rregullave nga qytetarët e komunës së Vitisë. Por megjithatë ju bëjë thirrje qytetarëve tanë të ju përmbahemi rekomandimeve të dhënë nga Organizata Botërore e Shëndetësisë, ISHKP-së dhe të institucioneve të tjera. Kjo gjë është në të mirën tonë të përbashkët”, u shpreh Kryetari Haliti.

Ai gjithashtu potencoi se kjo komunë po vazhdon të bashkëpunoj edhe me këshillat e fshatrave, policinë, zjarrfikësit, mjekët dhe të gjithë të tjerë me qëllimin më të mirë që mos të këtë raste të reja e të prekurve me koronavirus.

Ndërkaq në komunën e Vitisë, me vendim të kryetarit të komunës të marrë me 13.03.2020 Qendra Operative Emergjente që po vazhdon punën pandërprerë në menaxhimin e kësaj situate.

Kjo qendër përbëhet nga përfaqësues të Drejtorisë për Shërbime Publike dhe Emergjencës, Qendrës Kryesore të Mjekësisë Familjare, Policisë, Kryqit të Kuq, Njësisë së Zjarrëfikjes dhe Shpëtimit dhe Zyrës për Informim Publik si dhe vullnetarisht në ndihmë ka dalë edhe Tefik Salihu nga shoqërisë civile në Viti. /InfoKomuna/

Komente: 0 Pezullohen gjobat për vonesat në regjistrimin civil 15:09 / 26.05.2020 Asociacioni i Komunave të Kosovës bën të ditur se pas kërkesës që ka adresuar ditë më parë tek Ministria e Punëve të Brendshme dhe Administratës Publike (MPBAP) janë shtyrë dhe pezulluar afatet e procedurës administrative për regjistrimin/deklarimin e fakteve...
Komente: 0 IKSHPK: Asgjë nuk ka përfunduar, mbani maskat e distancën 23:50 / 22.05.2020 Asgjë nuk ka përfunduar! Virusi nuk po tallet! Virusi akoma gjendet në mesin tonë. Ky është apeli i sotëm i Institutit Kombëtar të Shëndetësisë Publike të Kosovës, pak orë pasi njoftoi se ka regjistruar të premten 21 raste të reja me koronavirusin e ri, pas...