Korpusi i Paqes me dy projekte për komunat e Kosovës
Korpusi i Paqes zhvilloi një takim me kryetarët e komunave për dy projektet që do të implementohen në komunat e Kosovës.
Në organizim të Korpusit të Paqes në Kosovë dhe mbështetur nga Ministria e Administrimit të Pushtetit Lokal, është mbajtur dje takimi me kryetarët e komunave të Kosovës, me ç‘rast janë ndarë informacione në lidhje me dy projekte, përmes të cilave vullnetarë të trajnuar amerikanë vendosen në fshatra dhe komuna, për të ofruar ndihmën e tyre gjatë shërbimit 24 mujor - me fokus në Mësimdhënien e Gjuhës Angleze si Gjuhë e Huaj (TEFL) dhe Zhvillim Organizativ të Komuniteteve (COD).
Ndërkohë, në komunën e Vitisë dy vullnetar amerikan janë duke shërbyer në kuadër të këtij projekti, në dy lokalitete të kësaj komune.
Në këtë takim e pranishme ishte edhe Colleen Hyland, zëvendës shefe e misionit, në Ambasadën Amerikane në Prishtinë, e cila e konfirmoi mbështetjen e Ambasadës Amerikane për Korpusin e paqes dhe vullnetarët.
Përndryshe, Korpusi i Paqes është një agjencion i Qeverisë amerikane i themeluar zyrtarisht me 1 mars 1961 nga Presidenti Xhon F.Kennedy dhe ka për qëllim promovimin e njohjes dhe shkëmbimit kulturor, paqes dhe miqësisë në botë. /InfoKomuna/
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...