Kryetari Haliti priti në takim komandantin e KFOR-it kolonel, Nicola Perrone

VitiPostuar: 14:27 / 19.06.2019

Kryetari i Komunës së Vitisë, Sokol Haliti, ka pritur sot në zyrën e tij komandantin e KFOR-it, kolonel Nicola Perrone.

Kryetari Haliti ka falënderuar kolonelin Perrone për bashkëpunimin e ndërsjellët që ka KFOR-i dhe angazhimin e madh në garantimin e sigurisë për qytetarët e komunës së Vitisë.

Haliti e ka njoftuar mysafirin për projektet e komunës të cilat ka planifikuar për t’i realizuar gjatë këtij viti, e që janë në interes të përgjithshëm për qytetarët e komunës së Vitisë.

Nga ana tjetër, komandanti i ri i KFOR-it, kolonel Nicola Perrone, ka falënderuar kryetarin Haliti për takimin dhe ka potencuar se misioni i KFOR-it në Kosovë është për ruajtjen e sigurisë së qytetarëve, njëkohësisht një bashkëpunim me të gjitha institucionet e vendit, duke përfshirë komunat, organet e sigurisë, Policinë e Kosovës, FSK-në dhe gjitha institucionet tjera në vend.

Në fund, kryetari Sokol Haliti, ka nderuar kolonelin me një paketë në shenjë mirënjohje për gjithë bashkëpunimin me komunën e Vitisë. /InfoKomuna/

VitiKomente: 0 Në Viti u shkaktuan 196 zjarre nga janari deri në korrik 12:20 / 22.07.2019 Për shkaqet e mundshme të zjarrit dhe zjarre vëniet e qëllimta, si dhe rreziqet dhe pasojat ligjor, është mbajtur sot një tryezë ku është diskutuar rreth kësaj teme, e cila sidomos në sezonin veror, po shkakton dëme të konsiderueshme si në ekonomitë familjare,...