Pritet digjitalizimi i shkollave në Viti

VitiPostuar: 14:11 / 19.01.2018

Komuna e Vitisë, pritet të bëhet komuna e parë në Kosovë që ka shkollat e digjitalizuar. Kjo do të bëhet e mundur falë një projekti të përbashkët të kësaj komune me MASHT-in dhe Fondacionin Kosovë-Luksemburg.

Kështu u tha sot pas një takim të përbashkët të mbajtur në mes të përfaqësuesve të këtyre institucioneve.

Kryetari i Komunës së Vitisë, Sokol Haliti ka pritur sot në takim një delegacion nga Ministria e Arsimit dhe Shkencës së Republikës së Kosovës, në krye me drejtorin e Departamentit për Zhvillimin e Arsimit Parauniversitar, Agim Berdynaj por edhe përfaqësues të Fondacionit Kosovë-Luksemburg.

Gjatë këtij takimi është bashkëbiseduar lidhur me një projekt për digjitalizimin e shkollave në Viti, që do të realizohet në kuadër të bashkëpunimit të Komunës së Vitisë, MASHT-it dhe Fondacionit Kosovë-Luksemburg e që ndër tjerash parasheh pajisjen me laptop dhe video projektor të shkollave brenda kësaj komune.

Sipas një njoftimi të komunës së Vitisë, në takim u bë me dije se realizimi i një projekti të tillë po bëhet për herë të parë në Kosovë dhe atë në këtë komunë. Kurse vlera e projektit është rreth 100 mijë euro.

Haliti tha se gjysëmvjetori i parë shkollor në Viti po fillon mbarë pasi që së shpejti pritet të realizohet në këtë komunë projekti për digjitalizimin e shkollave.
SkënderajKomente: 0 Kuvendi Komunal i Skenderajt, ka mbajtur sot mbledhjen e rregullt 17:38 / 28.03.2024 Kuvendi Komunal i Skenderajt, ka mbajtur sot mbledhjen e rregullt, seancë kjo e udhëhequr nga kryesuesja Adelina Spahiu, e në të cilën kanë marrë pjesë kryetari i Komunës, Fadil Nura, drejtorët komunalë, anëtarët e Kuvendit dhe monitorues nga KFOR-i dhe OSBE.
PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.
ShtimeKomente: 0 Kuvendi i Komunës së Shtimes mban mbledhjen e radhës 17:04 / 28.03.2024 Kryesuesi i Kuvendit të Komunës së Shtimes, Adnan Ademi, ka mbajtur sot mbledhjen e tretë të rregullt të Kuvendit, ku në këtë mbledhje ka marrë pjesë edhe kryetari i Komunës, Qemajl Aliu, si dhe drejtorë të drejtorive komunale.