Banorët e Artakollit paralajmërojnë protesta para kryeministrisë nëse s’u asfaltohet rruga

VushtrriPostuar: 11:15 / 14.10.2018

Banorë zonës së Artakollit në Vushtrri kanë protestuar përsëri në kërkim të ri-asfaltimit të rrugës që lidh të 18 fshatra të kësaj ane.

Protestuesit kanë kërkuar nga Qeveria që deri në fund të javës së ardhshme t’i ndajë fondet për shtresën e parë të asfaltit.

Për 15 minuta ata kanë mbajtur të bllokuar magjistralen Prishtinë-Mitrovicë, në fshatin Pestovë. Nga aty, ata paralajmëruan Qeverinë se nëse kërkesat e tyre nuk marrin përgjigje të shpejtë, protesta do të zhvendoset para kryeministrisë.

Në mbështetje të kërkesave të banorëve ka dalë edhe kryetari i Vushtrrisë, Xhafer Tahiri, i cili u është bashkuar atyre në protestë.

I pari i komunës së Vushtrrisë tha se ka kërkuar nga Ministria e Infrastrukturës dhe ajo e Financave që të merren vesh për asfaltimin sa më të shpejtë të rrugës.

Më kërkesë të kryetarit, banorët kanë zhbllokuar magjistralen më herët se ç’ishte paraparë.

PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.
SkënderajKomente: 0 Kuvendi Komunal i Skenderajt, ka mbajtur sot mbledhjen e rregullt 17:38 / 28.03.2024 Kuvendi Komunal i Skenderajt, ka mbajtur sot mbledhjen e rregullt, seancë kjo e udhëhequr nga kryesuesja Adelina Spahiu, e në të cilën kanë marrë pjesë kryetari i Komunës, Fadil Nura, drejtorët komunalë, anëtarët e Kuvendit dhe monitorues nga KFOR-i dhe OSBE.