Këta janë dejtorët e komunës së Vushtrrisë
Një javë pas marrjes së detyrës, kryetari i Komunës së Vushtrrisë, Xhafer Tahiri sot ka emëruar drejtorët komunal që do të drejtojnë drejtoritë e administratës komunale.
Në një takim që ka bërë me drejtorët e sapo emëruar, kryetari Tahiri ka kërkuar nga ta përkushtim maksimal në punë, transmeton InfoKomuna.
Që në takimin e parë me rastin emërimit Tahiri, u ka bërë me dije se vlerësimi për punën e secilit prej tyre do të bëhet çdo 6 muaj.
“Nuk kemi kohë të presim një vit për vlerësimin e punës, por vlerësimi për secilin prej juve do të bëhet çdo 6 muaj”, ka thënë Tahiri.
Kreu i Komunës së Vushtrrisë Tahiri, po ashtu u ka thënë drejtorëve të sapoemëruar se më nuk janë përfaqësues të partive politike por janë pjesë e Komunës dhe se të tillë duhet të veprojmë.
“Pavarësisht se jemi pjesë e një koalicioni të madh qeverisës, më të madhin që ndonjëherë ka njohur Vushtrria, kërkoj nga ju që të jeni si një orkestër e cila performon njëjtë”, u ka thënë Tahiri drejtorëve të rinj.
Ndërsa nënkryetari Besim Muzaqi, tha se qeverisja komunale duhet tu shërbej të gjithë qytetarëve të Vushtrrisë, dhe se në asnjë moment nuk duhet të bëjë trajtim tjetër.
Këta janë drejtorët e emëruar nga kryetari Xhafer Tahiri:
Afrim Namani, drejtor Drejtorisë së Arsimit, Saranda Cakaj, drejtoreshë e Prokurimit, Lutfi Gerguri, drejtor i Drejtorisë për Buxhet dhe Financa, Berat Sadiku, drejtor i Drejtorisë për Urbanizëm dhe Mbrotje të Mjedisit, Adnan Lahu, drejtor i Drejtorisë për Kadastër dhe Pronë, Mehmet Selaci, drejtor i Drejtorisë për Administratë, Miran Halili, Drejtoria për Ekonomi, Bujqësi, Pylltari dhe Zhvillim Rural, Sadat Rashica, drejtor i Drejtorisë për Shërbime Publike, Sylejman Meholli, drejtor i Drejtorisë për Shendetesi dhe Përkujdesje Sociale, Lumturie Mehmeti, drejtoreshë e Drejtorisë për Kulturë, Rini dhe Sport, Berat Asllani, drejtor i Drejtorisë për Inspektime dhe Bajrush Kosumi, drejtori i Drejtorisë për Mbrojtje dhe Shpëtim. /InfoKomuna/
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.