Komuna e Vushtrrisë ofron shërbime online për bashkatdhetarët

VushtrriPostuar: 12:26 / 30.12.2020

Komuna e Vushtrrisë sot ka lansuar shërbimin online për të informuar bashkatdhetarët rreth procedurave dhe shërbimeve të saj.


Drejtori i Administratës, Mehmet Selaci përmes një postimi në rrjetin social në Facebook ka bërë të ditur se të gjithë bashkatdhetarët që i përkasin kësaj komune mund të shkruajnë në aplikacionet Viber osë WhatsApp, për tu informuar rreth heqjes apo marrjes së shtetësisë, regjistrimin e fëmijëve, lidhje të kurorës/martesës, dhe shërbime të tjera.

Sipas tij, qëllimi i tyre është shkurtimi i procedurave për bashkatdhetarët duke u dhënë informatat e sakta.

Lexoni më poshtë postimin e tij të plotë:


Bashkatdhetarë të dashur

Nga sot, ju mund të na shkruani në aplikacionet Viber ose WhatsApp, për çdo informatë që ju duhet rreth procedurave të ndryshme siç janë: Aplikimi për heqjen apo marrjen e shtetësisë, regjistrimin e fëmijëve, lidhje të kurorës/martesës, përmirësim të të dhënave dhe shërbime të tjera të kësaj zyre.


Numri kontaktues është +383 464 42000, ne, do të mundohemi që në kohë sa më të shpejt të ju përgjigjemi në pyetjen/kërkesën tuaj.

Vërejtje:

Ky shërbim vlenë vetëm për Zyrën e Gjendjes Civile, është lansuar enkas për bashkatdhetarët tanë, por normalisht që mund të përdoret nga çdo qytetar që ka pyetje/kërkesë në lidhje me shërbimet tona. Nuk pranohen telefonata në këtë numër, por vetëm kërkesat me shkrim.


Qëllimi ynë është që të ua shkurtojmë bashkatdhetarëve tanë procedurat, duke u dhënë informatat e sakta, që në rast aplikimi për shërbimet tona, ata të humbin sa më pak kohë, kohë të cilën do të mund ta kalojnë me familje e shoqëri .

Falënderim i veçantë për vushtrriasin Qendrim Merovci, që ndihmoj në realizimin e këtij projekti.

Me respektin dhe mirënjohjen më të madhe për bashkatdhetarët./Bota.sot/

PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.
VitiKomente: 0 Mbahet mbledhja e radhës e Kuvendit Komunal të Vitisë 16:49 / 28.03.2024 Mbledhja e tretë e rregullt e Kuvendit Komunal të Vitisë është mbajtur sot, me që rast në fillim të kësaj mbledhje, kryesuesi i Kuvendit, Bekim Azizi i njoftoj anëtarët rreth vlerësimit të ligjshmërisë së akteve të miratuara në mbledhjet e kaluara të...