Disa deputetë vizitojnë Stacionin Policor në Zubin Potok

Zubin PotokPostuar: 16:29 / 27.03.2017

Komisioni për Punë të Brendshme, Siguri dhe Mbikëqyrje të FSK-së, i kryesuar nga Ganimete Musliu, zëvendëskryetare e Komisionit, realizoi sot një vizitë pune në Stacionin Policor në Zubin Potok, ku u prit nga Komandanti i Stacionit, Toger Zvezdan Milojeviq, me bashkëpunëtorë.

Qëllimi i kësaj vizite ishte njohja nga afër me kushtet e punës, sfidat në punët e përditshme në ushtrimin e detyrave policore, si dhe për zbatimin e Ligjit për Policinë e Kosovës, shkruan InfoKomuna.

Komandanti i Stacionit, Milojeviq, theksoi nevojën për përmirësimin e kushteve të punës si dhe për avancimin e teknologjisë e të mjeteve të punës.

U bë e ditur, po ashtu, se kjo është vizita e parë e realizuar nga zyrtarë të lartë shtetërorë. 

Nga ana e anëtarëve të Komisionit u theksua se kërkesat e paraqitura në këtë takim do të adresohen tek autoritetet kompetente, me qëllimtë funksionimit sa më të mirë të Policisë së Kosovës në gjithë territorin e Republikës së Kosovës.

/InfoKomuna/

 
GjilanKomente: 0 Fillon projekti madhor 2.4 milionë euro në Gjilan 10:59 / 28.03.2024 Gjatë ditës së djeshme, kanë filluar punimet e njërit ndër projektet më të mëdha në Gjilan. Është fjala për zgjerimin e rrugës “Hamdi Kurteshi” në vlerë prej 2.4 milionë euro.