Abrashi fantastik, debuton me super gol te Freiburgu
Amir Abrashi ka bërë një debutim fantastik me skuadrën e tij të re SC Freiburg.
Mesfushori fantastik i Kombëtares së Shqipërisë, javë më parë ka zyrtarizuar kalimin e tij tek skuadra gjermane si lojtar i lirë nga Grasshoppers.
Në ndeshjen e tij debutuese me skuadrën e Freiburgut, Abrashi arriti të shënonte një gol mjaftë të bukur në takimin miqësor me një skuadër rajonale FC Freiburger, ku triumfoi skuadra e shqiptarit 2-1, transmeton Telegrafi.
Amiri pranoi një top të bukur në zonë nga ana e djathtë dhe goditi me gjysmë vollei nga pika e penalltisë për të shënuar golin e parë në ndeshje.
Goli i tij ngriti në këmbë tifozët e pranishëm duke e duartrokitur gjakovarin e Kombëtares.
Një fillim i mirë në skuadrën e re për Abrashin, i cili është i destinuar për tu bërë lider edhe në Freiburg, ashtu siç ishte në Zvicër tek GC.