Fillojnë përgatitjet për Maratonën e Tiranës

Postuar: 11:47 / 12.09.2017

Kur kanë mbetur më pak se 40 ditë nga Maratona e Tiranës, çdo të martë dhe të premte të gjithë të apasionuarit pas vrapimit do të kenë mundësi që të nisin trajnimin në pistën e vrapimit në Kodrave të Liqenit Artificial.

Ndërmarrjet e Bashkisë së Tiranës kanë nisur menjëherë punën për riparimin e pistës së vrapimit e cila do të ndihmojë jo vetëm ata që do të bëhen pjesë e Maratonës, por njëkohësisht edhe mijëra qytetarëve të cilët preferojnë vrapin në natyrë për një jetë më të shëndetshme.

“Kolegët tanë riparuan pistën e vrapit te liqeni. Tag shokun/shoqen dhe nis stërvitjen për Maratonën e Tiranës çdo të martë dhe të premte më një trajner profesionist. Forca”, shkruan Veliaj në Facebook teksa ka postuar disa foto nga puna intensive për riparimin e pistës së vrapimit.

Bashkia e Tiranës në bashkëpunim dhe me Federatën Shqiptare të Atletikës kanë hapur regjistrimet për të gjithë qytetarët të cilët dëshirojnë që të bëhen pjesë e kësaj gare që do të zhvillohet më 15 tetor.

Maratona është konceptuar e ndarë në disa kategori, duke i dhënë mundësi gjithkujt që të sfidojë vetveten dhe të përcjellë tek të tjerët mesazhin për një jetë të shëndetshme përmes sportit.

Maratona e Tiranës ka certifikuar itinerarin e saj të ri nga Association of International Marathon and Distance Race dhe është bërë pjesë e shtëpisë botërore të atletikës International Association of Athletics Federations.

Komente: 0 Tiranë-Durrës me hekurudhë moderne dhe tren të shpejtë 11:57 / 25.05.2018 Tregu i punës në vend ka kërkesa për profesionistë të arsimuar, veçanërisht për inxhinjerë të specializuar në sektorë të ndryshëm të ekonomisë, që pas viteve 90’ shënuan një mungesë të theksuar në burime njerëzore.
Komente: 0 Liqeni Artificiall i Tiranës përplot mbeturina (Foto) 10:42 / 21.05.2018 Pak javë më parë Liqeni Artificial i Tiranës mori çmimin “Flamuri i Bardhë” si një certifikim i pastërtisë së ujit dhe basenit të sigurt. Por që ky nivel vlerësimi të rikonfirmohet sërish në vjeshtë është e domosdoshme që jo vetëm...