Kryetari Veliaj në Samitin e Qyteteve në Izrael, për transformimin e Tiranës

Postuar: 16:07 / 06.09.2017

Transformimi i Tiranës dhe praktikat inovatore të Bashkisë së Tiranës po gjejnë gjithnjë e më shumë jehonë në shtypin e huaj e forumet ndërkombëtare. Së fundi, Tirana u bë pjesë dhe kryesoi në Samitin e Qyteteve në Tel Aviv, bashkë me qytete si Frankfurti dhe Varshava.

Kryebashkiaku Erion Veliaj është përzgjedhur nga Samiti i Qyteteve që u mbajt dje në Tel Aviv për të prezantuar projektet e Tiranës nga parkimi me sms, aplikacioni “Tirana ime” dhe transformimet në favor të fëmijëve si këndet e lodrave, çerdhet, kopshtet e shkollat, si dhe projektet urbane si Pazari i Ri apo politikat e strehimit me kredi të buta.

Gjatë vizitës së tij në Izrael, Veliaj u prit nga Kryetari historik i Bashkisë së Tel Avivit, Ron Huldai, qytet me të cilin do të ketë bashkëpunim në fushën e turizmit dhe inovacionit.

Më pas, kryebashkiaku i Tiranës u prit në Bashkinë e Jerusalemit nga homologu i tij, Nir Barkat, me të cilin Tirana pritet të bashkëpunojë për arsimin dhe inkubatorët e inovacionit. Kryebashkiaku Barkat shprehu kënaqësinë e takimit me homologun Veliaj dhe vlerësoi mundësinë e bashkëpunimit mes dy qyteteve në fushën e arsimit dhe inovacionit.

Komente: 0 Vlora do të ndriçohet me burime alternative energjie 09:29 / 24.05.2018 Bashkia e Vlorës po përgatitet për shfrytëzimin e burimeve alternative për ndriçimin e mjediseve publike në qytet, për shkak të rritjes së ndjeshme të sasisë së energjisë elektrike që nevojitet për këtë qëllim.
Komente: 0 Tiranë-Durrës me hekurudhë moderne dhe tren të shpejtë 11:57 / 25.05.2018 Tregu i punës në vend ka kërkesa për profesionistë të arsimuar, veçanërisht për inxhinjerë të specializuar në sektorë të ndryshëm të ekonomisë, që pas viteve 90’ shënuan një mungesë të theksuar në burime njerëzore.