"The Telegraph": Tirana mes 10 qyteteve më me diell në Evropë

Postuar: 16:20 / 16.01.2018

Ndërkohë që dielli bëhet më i dëshiruar për shkak të mungesës së tij gjatë muajve të dimrit, normalisht do të kërkoni një vend me më shumë ndriçim, shkruan e përditshmja britanike “The Telegraph” në një artikull ku rendit 10 qytetet evropiane që kanë më shumë orë diell në vit dhe që në vend të tetë ndodhet Tirana.

Sipas një studimi të kryer nga faqja e internetit e dedikuar për motin “Current Results”, qytetet britanike janë nga më pak të ndriçuarat në Evropë.

Kjo faqe i sugjeron britanikëve 10 destinacione që kanë më shumë orë diell në vti. Sipas të dhënave Malta është në vend të parë me 2 957 orë diell në vit.

Por në këtë renditje gjejmë edhe Tiranën me Podgoricën, respektivisht në vend të tetë dhe të 10.

Madje “The Telegraph” thekson se duke pasur parasysh krizën mes paudnit dhe euros këto dy destinacione të Evropës Lindore mund të jenë mundësia ideale për t’u mbushur plot vitaminë D pa shpenzuar shumë para.

10 qytetet më me diell në Evropë

Valeta, Maltë – 2 957 (orë diell në vit)

Marsejë, Francë – 2 858

Lisbonë, Portugali – 2 799

Madrid, Spanjë – 2 769

Athinë, Greqi – 2 771

Nisë, Francë – 2 724

Monako – 2 724

Tiranë, Shqipëri – 2 544

Barcelona, Spanjë – 2 524

Podgorica, Mali i Zi – 2 480.

Komente: 0 Bashkia e Tiranës instalon sistemin e ndriçimit te liqeni i Farkës 11:55 / 21.02.2018 Liqeni i Farkës tashmë nuk është vetëm një destinacion për fundjavën, por edhe një ide e shkëlqyer për të kaluar mbrëmjet. Së fundmi, Bashkia e Tiranës ka vendosur të gjithë sistemin e ndriçimit përgjatë gjithë shëtitores së liqenit.
Komente: 0 Kryebashkiaku Veliaj: Linjë e gjelbër transporti publik Tiranë-Rinas 13:56 / 21.02.2018 Pas linjës së gjelbër, me autobusë elektrikë, e cila do të funksionojë shumë shpejt brenda qytetit, edhe linja Tiranë-Rinas, për në aeroportin “Nënë Tereza”, do të jetë tërësisht me autobusë elektrikë. Bashkia e Tiranës ka nisur bisedimet...