Drenasi me turnir në futboll të vogël dhe volejboll në 10-vjetorin e pavarësisë
Me rastin e 10-vjetorit të Pavarësisë së Kosovës, në Drenas u mbajt turniri në futboll të vogël dhe volejboll. Me këtë rast Drejtoresha për Kulturë, Rini dhe Sport, Flutura Avdiu përshëndeti të pranishmit dhe iu uroi 10-vjetorin e Pavarësisë së Kosovës. Gjithashtu Drejtoresha Avdiu iu uroi suksese në turnir të gjitha ekipeve pjesëmarrëse.
Në turnir morën pjesë 8 ekipe të ndryshme të klubeve sportive.
Në futboll të vogël u shpërblyen këto ekipe:
Me vendin e parë u shpërblyen veteranët e KF “Feronikeli”.
Vendin e dytë veteranët e KF “Gryka”
Në vendin e tretë veteranët e KH “Drenica”.
Ndërsa në volejboll për vajza u shpërblyen:
Në vendin e parë KV “Drenasi”,
Në vendin e dytë KV “Gryka”.
Drejtoresha për Kulturë, Rini dhe Sport, Flutura Avdiu, shpërbleu me kupa, medalje dhe mirënjohje ekipet fituese duke iu uruar suksese të mëtutjeshme. /InfoKomuna/