Gjilani mban turneun mbarëkombëtar në futboll të femrave “Kupa e Pavarësisë”

Postuar: 14:28 / 16.02.2018

Në shënim të 10-vjetorit të shpalljes së Pavarësisë së Kosovës, nën përkujdesjen e kryetarit të Komunës së Gjilanit, Lutfi Haziri, është mbajtur turneu mbarëkombëtar në futboll të femrave “Kupa e Pavarësisë”.

Turneun, në të cilin kanë marrë marrë pjesë KF “Intelektualet” nga Gjilani, KF Tirana, KF Tetova dhe KF Kosova (Prishtinë), e kanë shpallur të hapur kryesuesja e Kuvendit Komunal të Gjilanit, Shpresa Kurteshi Emini dhe udhëheqësi i Njësisë për Sport, Malazog Hoxha.

“Shfrytëzoj rastin t’ju uroj të gjithëve 10-vjetorin e shpalljes së Pavarësisë dhe t’i falënderoj klubet e femrave për pjesëmarrjen në këtë turne. Gjatë këtij 10-vjeçari sporti në përgjithësi ka arritur suksese edhe në arenën ndërkombëtare. I dëshiroj suksese vajzave sot dhe uroj që edhe në të ardhmen të prezantoni vendin tuaj në arenën ndërkombëtare dhe të sillni trofe, qoftë në Tiranë, Tetovë, Prishtinë, Gjilan e gjetiu”, tha Kurteshi-Emini.

Ky është turneu i parë i kësaj natyre në nivel të Republikës, ndërkaq është mbajtur në stadiumin ndihmës i cili është financuar nga Komisioni Evropian.

Ndërkohë, gjatë ditës është paraparë të hapet ekspozita kolektive e te rinjve në Shtëpinë e Rinisë (17:00), ekspozita me fotografi nga Dita e Pavarësisë në Galerinë e Qytetit (18:00), përderisa në ora 19:00 jepet shfaqja “Një natë në hotel”, në teatrin e qytetit. /InfoKomuna/

Komente: 0 Eliminohet Akil Gjakova në Botëror 12:34 / 22.09.2018 Xhudisti Akil Gjakova është eliminuar nga Botërori që po mbahet në Baku të Azerbajxhanit dhe Kosova var shpresat te motra e tij, Nora për një medalje të mundshme.
Komente: 0 Xhudistët Gjakova fitojnë duelet në Botëror 10:55 / 22.09.2018 Xhudistët Akil dhe Nora Gjakova kanë nisur mirë Botërorin, duke siguruar fitoret e para. Akil Gjakova mposhti Magner Mendesin nga Cape Verde në raundin e dytë të kategorisë deri në 73 kilogramë.