Komuna e Kaçanikut fillon ndërtimin e stadiumit të futbollit në fshatin Stagovë
Komuna e Kaçanikut ka filluar punimet në projektin “Ndërtimi i stadiumit të futbollit në fshatin Stagovë”. Sipas menaxherit të projektit të ndërtimit të stadiumit të futbollit Ilir Koraçi, shuma e mjeteve të cilat do të investohen në këtë projekt është 266 mijë e 397 euro mjete të ndara nga Ministria e Kulturës, Rinisë dhe Sportit dhe Komuna e Kaçanikut, ndërsa projekti do të realizohet në periudhën dy vjeçare.
Nga ky projekt i rëndësishëm për Komunën e Kaçanikut do të përfitojnë të rinjët të cilët dëshirojnë ta përvetësojnë talentin e tyre në futboll në kuadër të klubeve sportive të futbollit. Komuna e Kaçanikut tashmë është orientuar në zhvillimin e infrastrukturës sportive, përkatësisht në krijimin e kushteve sa më të mira për zhvillimin dhe promovimin e sportit në tërësi në qytetin e Kaçanikut./InfoKomuna/
