Llapi e Prishtina kalojnë në çerekfinale të Kupës së Kosovës

Postuar: 17:01 / 14.02.2018

Llapi dhe Prishtina kanë kaluar në çerekfinale të Kupës së Kosovës, duke mposhtur Trepçën ’89, respektivisht Kosovën e Prishtinës të mërkurën në mesditë.

Me golat e Mirlind Dakut dhe Ilir Blakqorit në minutat e fundit të takimit, Llapi mposhti Trepçën '89 për të siguruar një vend në çerekfinalen e Kupës së Kosovës.

Ndërkohë, Prishtina me lehtësi kaloi në çerekfinale duke e eliminuar Kosovën e Prishtinës.

Prishtina fitoi me rezultat të thellë 4 me 0 për një vend në çerekfinale të kupës, me golat e shënuara nga Drashko Bozhoviq, Ahmed Januzi, Debatik Curri dhe Makenda.

Komente: 0 Katër gjeneratat e arta të xhudos 11:10 / 14.10.2018 Në ngjarjet e sportit të xhudos, Kosova tashmë i ka të fituara të gjitha medaljet e mundshme. Ka tituj e medalje në kampionate botërore për seniorë e po ashtu në botërorët e kategorive më të reja. Ka tituj e medalje në kampionate evropiane për seniorë dhe për...