Mitrovica bëhet me pishinë olimpike të hapur dhe gjysmë olimpike të mbyllur

MitrovicëPostuar: 11:28 / 11.11.2016

Kryetari i komunës, Agim Bahtiri dhe drejtori i Operatorit ekonomik “Lin-Projekt”, Sh.p.k & “Arjeta Group”, Sh.p.k, Ferki Haxhimehmeti, kanë nënshkruar kontratën për dhënien në shfrytëzim afatgjatë të pronës së paluajtshme komunale, me qëllim të ndërtimit të objekteve të Kompleksit të Pishinave.

Sipas kontratës, në bazë të vendimit që ka marrë Kuvendi i Komunës në mbledhjen e mbajtur më 31.08.2016, Komuna i jep në shfrytëzim afatgjatë prej 99 vjetësh hapësirën prej 17.137 metra katrorë që shtrihet në zonën afër lumit Ibër, përkatësisht në Lagjen Fidanishte dhe hapësirën prej 2.554 metra katrorë që shtihet në zonën kadastralet të Zhabarit.

Ndërkaq, operatori ekonomik “Lin-Projekt”, Sh.p.k & “Arjeta Group”, Sh.p.k, obligohet që ndërtimin e objekteve të Kompleksit të Pishinave, sipas kushteve urbane të parapare dhe të lejuara me Planin Rregullues Urban, të filloj brenda afatit prej gjashtë muajsh, nga dita e nënshkrimit të kontratës.

Sipas kontratës, parashihet që në kompleksin e pishinave të ndërtohet një pishinë e hapur olimpike, një pishinë e mbyllur gjysmë olimpike, një pishinë rekreative dhe një pishinë për fëmijë, si dhe objekte tjera përcjellëse siç janë fushat e sportit, fusha për tenis, fusha për basketboll, fusha për volejboll e të tjera.

Drejtori i Operatorit ekonomik “Lin-Projekt”, Sh.p.k & “Arjeta Group”, Sh.p.k, Ferki Haxhimehmeti, tha se investimet për ndërtimin e Kompleksit të pishinave, arrin shumën diku rreth 7 milionë euro, ndërsa që në to do të punësohen 75 punëtorë të rinj. Ai premtoi se pishinat do të jenë të gatshme për shfrytëzim në verën e vitit 2017./InfoKomuna/

Komente: 0 Katër gjeneratat e arta të xhudos 11:10 / 14.10.2018 Në ngjarjet e sportit të xhudos, Kosova tashmë i ka të fituara të gjitha medaljet e mundshme. Ka tituj e medalje në kampionate botërore për seniorë e po ashtu në botërorët e kategorive më të reja. Ka tituj e medalje në kampionate evropiane për seniorë dhe për...
Komente: 0 Reprezentuesit e presin me padurim ndeshjen me Maltën 11:35 / 09.10.2018 Në hije të zhvillimeve lidhur me biletat për ndeshjen ndaj Maltës, përfaqësuesja e Kosovës në futboll e ka zhvilluar stërvitjen e parë në prag të dy ndeshjeve të radhës në Ligën e Kombeve.