Raci: Në qeverisjen time në Klinë, buxheti dhe shërbimet nuk do përdoren si mjete politike
Kandidati i PDK-së për kryetar të Klinës, Esat Raci, ka premtuar t’i japë fund diskriminimeve politike në Komunën e Klinës.
Raci ka thënë se njëherë e përgjithmonë do t’i japë fund përdorimit të buxhetit dhe shërbimeve komunale si mjete politike, përcjell Klankosova.tv.
”Njëherë e përgjithmonë do t’i jap fund përdorimit të buxhetit dhe shërbimeve komunale si mjete politike. Njëherë e përgjithmonë do t’i jap fund diskriminimeve politike. Unë do të jem kryetar i të gjithë qytetarëve të Klinës! Partnerë kryesorë për zhvillimin ekonomik do t’i kemi bizneset private, ndërmarrësit dhe fermerët e komunës sonë. Së bashku do t’i bëjmë edhe politikat zhvillimore, sepse rritja, forcimi dhe zhvillimi i tyre e zhvillon ekonominë e Klinës. Bashkë do ta ndryshojmë dhe zhvillojmë Klinën!”, ka shkruar Raci.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.