Nga Spitali i Gjakovës tregojnë për gjendjen shëndetësore të fëmijës që u dërgua nga Deçani
Një fëmijë 1 vjeç ishte dërguar në Spitalin e Gjakovës, pas tri ditësh që ishte trajtuar në Qendrën e Mjekësisë Familjare në Deçan dhe i ishte përkeqësuar gjendja.
Nga Spitali i Gjakovës, “Isa Grezda”, kanë bërë të ditur për Telegrafin se fëmija nuk ka të bëj asgjë me helmimet e ditëve të fundit në Komunën e Deçanit.
Sipas mjekëve të repartit të Pediatrisë në Gjakovë, fëmija ka një “viroz sezonale”.
Po ashtu, nga po i njëjti ekip i mjekëve që e kanë trajtuar fëmijën kanë thënë se asnjëri nga familjarët e fëmijës nuk është i infektuar nga uji, siç dyshohet se janë infektuar gati 2 mijë qytetarë të Deçanit, gjatë katër ditëve të fundit.
Ndryhse, situata në komunën e Deçanit vazhdon të jetë e rëndë.
Numër i madh i qytetarëve edhe gjatë ditës së djeshme kanë kërkuar ndihmë mjekësore në Qendrën e Mjekësisë Familjare “Adem Ukëhaxhaj” në këtë komunë.
Doktoresha Feride Dautaj, në një prononcim për Telegrafin ka treguar se nga ora 15:00 e së mërkurës e deri sot në orën 07:00 , ndihmë mjekësore kanë kërkuar 114 pacientë.
“Prej tyre 67 kanë qenë me simptomatologji të helmimit, kurse dy raste i kemi referuar për në Spitalin e Pejës”, tha Dautaj.
Ajo shtoi se gjatë natës ka qenë kryesisht qetë, mirëpo në orët e mëngjesit ka filluar sërish fluksi i pacientëve.
Kujtojmë se që nga dita e diele e deri më sot, numri i qytetarëve me simptoma të helmimit që janë paraqitur në QKMF në Deçan, ka kaluar mbi 2 mijë.
Komuna e Deçanit ka shpallur gjendje emergjente.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale.