Gara në Podujevë, Hyseni 113 vota më shumë se Bulliqi

PodujevëPostuar: 16:10 / 19.10.2021

Është duke vazhduar procesi i numërimit të votave në Komunën e Podujevës, ndërsa sipas të dhënave të Komisionit Qendror në këtë komunë ka mbetur pa u numëruar edhe një vendvotim.

Sipas të dhënave të deritanishme, Komuna e Podujevës do të shkojë në balotazh, ku do të përballen kandidati i Lidhjes Demokratike të Kosovës, Ekrem Hyseni dhe Shpejtim Bulliqi nga Lëvizja Vetëvendosje, transmeton Telegrafi.

Deri tani, kandidati i LDK-së është duke prirë me vota, i cili ka grumbulluar 16 mijë e 451 vota, i ndjekur nga kandidati i LVV-së, i cili ka marrë 16 mijë e 338 vota. Diferenca mes Hysenit dhe Bulliqit është 113 vota.

Kurse, kandidatët tjerë kanë marrë kaq vota:

Floretë Zejnullahu (PDK) 2 mijë e 422 vota;

Besnik Tahiri (AAK) 1 mijë e 479 vota;

Gazmend Islami, 244 vota;

Xhemajl Hasani ( NISMA) 199 vota;

Ndryshe, Komisioni Qendror i Zgjedhjeve pritet që gjatë kësaj jave të përfundojë numërimin e të gjitha votave.

Zëdhënësi i KQZ-së, Valmir Elezi gjatë konferencës për medie tha se shpallja e votave pritet të bëhet pas numërimit edhe të votave me kusht, atyre të ardhura me postë dhe të votave të personave me nevoja të veçanta.

“KQZ-ja ka pranuar rreth 5 mijë e 700 pako të supozuara me fletëvotime. Ato janë duke u verifikuar. Pasi të përfundojnë këto procedura, atëherë do të fillojë numërimi i votave me kusht, votave të personave me nevoja të veçanta dhe atyre të ardhura me postë, që do të bëhet gjatë ditëve në vazhdim. Planifikojmë ta përmbyllim këtë proces gjatë kësaj jave”, tha Elezi para medieve.

Zgjedhjet lokale janë mbajtur më 17 tetor. /Telegrafi/

Komente: 0 Efekti i decentralizimit të shërbimeve, komunat menaxhuan mirë me Covid-19 15:09 / 23.11.2021 Drejtori Ekzekutiv i Institutit Kosovar për Qeverisje Lokale (KLGI), Valmir Gashi, ishte i ftuar si panelist në lansimin e analizës së pulsit publik mbi “Ndërveprimin në mes të qytetarëve dhe komunave në kohë krize: studim rasti Covid-19”, organizuar nga Programi i Kombeve të...