Shpallet data e zgjedhjeve lokale

Postuar: 10:58 / 15.06.2021

Zgjedhjet lokale në Kosovë do të mbahen më 17 tetor. Kjo është bërë e ditur përmes një komunikate për media nga Presidenca.

"Presidentja e Republikës së Kosovës, Vjosa Osmani, pas përfundimit të konsultimit me subjektet politike më 2 qershor 2021 dhe në mbështetje të Ligjit për Zgjedhjet Lokale në Republikën e Kosovës ka caktuar 17 tetorin 2021, datë të mbajtjes së zgjedhjeve lokale", thuhet në komunikatë.

"Me të njëjtin vendim, Presidentja Osmani ka udhëzuar Komisionin Qendror të Zgjedhjeve që t`i ndërmarrë të gjitha veprimet e nevojshme për organizimin dhe mbajtjen e zgjedhjeve lokale në përputhje me këtë vendim dhe legjislacionin në fuqi", thuhet në njoftimin e presidencës. /InfoKomuna/