Vdekja e katër personave në aksident, sot ditë zie në Shtime

ShtimePostuar: 10:37 / 07.06.2021

Kryetari i Shtimes Naim Ismajli ka shpallur të hënën ditë zie në këtë komunë në shenjë nderimi për katër anëtarët e familjes Ramadani, të cilët humbën jetën tragjikisht në një aksident trafiku.

Në vendimin e kryetarit Ismajli bëhet e ditur se të gjitha angazhimet institucionale të parapara për këtë ditë do të pezullohen dhe të gjithë flamujt e vendosur në institucionet komunale, do të ulen në gjysmështizë.

Ndryshe, në aksidentin e djeshëm në Koshare të Ferizajt janë lënduar edhe tre persona të tjerë, dy prej të cilëve pas trajtimit në QKMF në Ferizaj janë liruar për në shtëpi, ndërsa një tjetër person është dërguar për trajtim mjekësor në QKUK – Prishtinë.

Lidhur me rastin është arrestuar njëri nga ngasësit e dy automjeteve që ishin pjesë e aksidentit të trafikut.Kryetari i Komunës së Ferizajt Agim Aliu ka shprehur tronditjen e tij lidhur me rastin dhe ka kërkuar zbardhjen e shkaqeve që çuan deri te ngjarja tragjike.

ShtimeKomente: 0 Kuvendi i Komunës së Shtimes mban mbledhjen e radhës 17:04 / 28.03.2024 Kryesuesi i Kuvendit të Komunës së Shtimes, Adnan Ademi, ka mbajtur sot mbledhjen e tretë të rregullt të Kuvendit, ku në këtë mbledhje ka marrë pjesë edhe kryetari i Komunës, Qemajl Aliu, si dhe drejtorë të drejtorive komunale.