Sokol Haliti tregon se me kë do të jetë bashkëpunimi i parë në balotazh
VitiPostuar: 15:00 / 25.10.2021
Kandidati për kryetar të Vitisë nga radhët e Lidhjes Demokratike të Kosovës, Sokol Haliti, duke komentuar rezultatin zgjedhor të 17 tetorit, deklaron se bashkëpunimi i tyre i parë do të jetë me qytetarët, shkruan Gazeta Blic.
Haliti, i cili është edhe kryetar aktual i Vitisë duke mos dashur të shpalos detaje për koalicionet e mundshme në këtë komunë, thotë se qytetarët janë të mirëpritur për bashkëpunim.
“Ju kemi betuar qytetarëve dhe bashkëpunimi i parë do të jetë me qytetarët, ata janë të mirëpritur për bashkëpunim”, deklaron Haliti për Gazeta Blic.
Sokol Haliti i LDK-së ka marrë më së shumti vota në garën për kryetar të Vitisë 41.78%.