Viti: Komuna e Vitisë dhe Kolegji UBT prezantuan para qytetarëve vitias profilin e gjendjes ekzistuese dhe analiza e gjendjes ekzistuese si dhe treguan rreth punës së tyre në hartimin e Planit Zhvillimor Komunal 2021-2029
Në organizimin e Komunës së Vitisë, konkretisht të Drejtorisë për Urbanizëm, Planifikim dhe Mbrojte të Mjedisit dhe të Kolegjit UBT, sot është mbajtur një takim publik me qytetarë lidhur me hartimin e Planit Zhvillimor Komunal 2021-2029. Me këtë rast u bë prezantimi i profilit të gjendjes ekzistuese dhe analiza e gjendjes ekzistuese.
Në fillim të këtij takimi, Ajet Sallahu, Drejtor për Urbanizëm, Planifikim dhe Mbrojte të Mjedisit bëri me dije se Komuna e Vitisë në bashkëpunim me Kolegjin UBT janë duke hartuar planin e ri zhvillimor komunal për 8 vite të ardhshme. Ndërkaq zv. Kryetari i Komunës së Vitisë, Hasan Aliu tha se hartimi i këtij plani është shumë i rëndësishëm dhe jetik për komunën e Vitisë dhe të gjithë qytetarët e saj. Ai tha se përmes këtij takimi publik qytetarët pos që mund të njihen me gjendjen ekzistuese ata mund të japin edhe sugjerimet dhe vërejtjet e tyre duke i shikuar më pas mundësitë e përfshirjes së tyre në dokumentin final. Kurse Hazer Dana, Profesor ne Kolegjin UBT ndër tjerash foli mbi punën e përbashkët të komunës së Vitisë dhe të këtij Kolegji në hartimin e këtij dokumenti të rëndësishëm.
Kurse prezantimi i profilit të gjendjes ekzistuese dhe analiza e gjendjes ekzistuese u bë nga Lyra Bakia, Profesorësh në Kolegjin UBT dhe nga Instituti i Planifikimit brenda këtij kolegji. Në pjesën e dytë të këtij takimi qytetarët kanë dhënë vërejtjet dhe sugjerimet e tyre.
Ndërkaq në këtë takim kanë marrë pjesë edhe Vjollca Puka dhe Labinote Jahja nga Ministria për Ekonomi dhe Mjedis të Republikës së Kosovës.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...