Me këtë rast është hapur edhe ekspozita personale, katalogëve dhe librave letrare të piktorit Idriz Berisha. Manifestimi ka nisur me ekzekutimin interpretues muzikor nga prof. Rasim Gashi.
Kryetari i Komunës së Klinës, Zenun Elezaj, ka përgëzuar Berishën për gjithë punën që ka bërë në fushëveprimtarinë e tij dhe i ka uruar jetë të gjatë dhe vazhdim të punës së tij të palodhshme në veprimtarinë e pikturës. Jetë të gjatë dhe punë të mbarë Berishës, i ka uruar edhe këshilltari i Kryeministrit, Jahja Lluka.
Idriz Berisha, përveç me pikturë është marrë edhe me poezi dhe skenografi. Për punën e tij, foli Prend Buzhala, i cili tha se Idrizi ishte njeri i kulturës.
“Arti dhe kultura nuk njohin pensionim, Idrizi ka hapur ekspozita në Klinë, komuna të ndryshme të Kosovës, Shqipëri dhe botën e jashtme”, ka thënë Buzhala.
Folën edhe shkrimtari Sejdi Berisha dhe Ramadan Mehmeti, në emër të Shtëpisë Botuese “ Rozafa” në Prishtinë. Për kontributin e dhënë, piktori Berisha, është shpërblyer me mirënjohje dhe libra nga Komuna dhe Shoqata të ndryshme.
U bë edhe përurimi i librit të Prend Buzhalës i titulluar, "Shenja figurative e amësisë”, kushtuar piktorit Idriz Berishës.
Në fund, Berisha, ka falënderuar gjithë të pranishmit për pjesëmarrje, mbështetje në punën e tij dhe ka premtuar angazhim edhe të mëtejmë në lëmine e artit dhe të kulturës. /InfoKomuna/
