Prezantohet Plani final ndërkomunal i menaxhimit të integruar të mbeturinave si dhe Plani i Veprimit për vitin 2024 për komunat e Rajonit të Ferizajt

Paraditen e sotme, në një takim të përbashkët me akterë nga komunat e Regjionit të Ferizajt në fushën e menaxhimit të mbeturinave nga ana e GIZ-it që është lehtësues i këtij procesi u prezantua Plani final ndërkomunal i menaxhimit të integruar të mbeturinave.

Në këtë takim, u diskutua edhe zbatimi i planit të veprimit për vitin 2024 si dhe masat prioritare të komunave të Rajonit të Ferizajt, takim ky ku dhanë kontributin e tyre nga Komuna e Ferizajt, drejtori i shërbimeve publike dhe emergjencë, Arben Halili si dhe zyrtarët përkatës nga kjo drejtori.