Tubimi u mbajt në Sallën e Kuvendit dhe morën pjesë, kryetari i Komunës, Ramiz Lladrovci, nënkryetari, Arben Shala, drejtorë të drejtorive komunale, administratorë të vendbanimeve, OJQ, shoqëri civile, përfaqësues të KFOR-it, si dhe qytetarë.
Temë diskutimi e këtij tubimi me publikun, ishin aktivitetet e komunës të cilat janë kryer gjatë këtij viti.
Fillimisht, fjalë hyrëse pati Udhëheqësi i Zyrës për Komunikim me Publikun, Bekim Dobra, i cili tregoi rëndësinë e këtij takimi duke shtuar se, tubimi me publikun ka karakterin informues për pjesëmarrësit mbi të arriturat dhe vështirësitë si dhe investimet kapitale të realizuara gjatë këtij viti.
Ndërsa sa i përket punës një vjeçare, ka prezantuar kryetari i Komunës, Ramiz Lladrovci, i cili fillimisht falënderoi të pranishmit për pjesëmarrje dhe njëherësh falënderoi administratorët e vendbanimeve për bashkëpunimin me ekzekutivin për t’ju dal në ndihmë qytetarëve, projekteve të nivelit qendror e lokal, me propozimet, vërejtjet dhe sugjerimet gjatë tërë vitit.
“Ky vit, po përmbyllet me suksese. Këto suksese presim të konfirmojnë edhe zyrtarisht se jemi prap edhe për vitin 2022, komuna më e mirë me performancë në nivel të vendit, ka thënë mes tjerash kryetari Lladrovci.
Lladrovci, në mënyrë të detajuar paraqiti të arriturat, vështirësitë, aktivitetet si dhe projektet e realizuara nga drejtoritë komunale gjatë këtij viti.
Të pranishmit i parashtruan pyetje dhe sugjerime ekzekutivit për punën një vjeçare, ndërsa kryetari Lladrovci i falënderoi për sugjerimet e dhëna si dhe u dha përgjigje të gjithë atyre që adresuan pyetje rreth projekteve të përfunduara gjatë këtij viti, por edhe projekteve në të ardhmen.
Ne shenjë mirënjohje për angazhimin dhe kontributin e madh në shërbim të qytetarëve gjatë pandemisë, Covid 19, kryetari Lladrovci ka ndarë mirënjohje për 44 administratorë të vendbanimeve në Komunën e Drenasit.
Për fund, kryetari Lladrovci uroi të pranishmit si dhe të gjithë qytetarët e komunës së Drenasit, festat e fundvitit, duke ju dëshiruar gjithë të mirat në jetë.
