Të gjitha rastet e ngordhjes janë trajtuar sipas standardeve të Agjencionit të veterinës dhe janë të përcjellura me procesverbal të veçantë nga inspektorati i veterinës.
Drejtori Hajredin Gashi tha se në përgjigjeje të informatave mbi sëmundja "Gungore të Lëkurës” Agjensioni i Ushqimit dhe Veterinës për komunën e Hanit të Elezit ka ndarë 1000 copë vaksina për zonat kadastrale Dimcë, Seçishtë, Krivenik dhe Gorancë, fshatra këto në brezin kufitarë me Republikën e Maqedonisë.
Ndërsa Sadat Bajrami veterinar lokal i autorizuar për shpërndarjen e vaksinave tha se të gjitha vaksinat janë shpërndarë, mirëpo numri i gjedheve është shumë më i madh dhe se ka shumë kërkesa për vaksina plotësuese, duke apeluar që sigurimi i vaksinave të behët nga Agjensioni i Ushqimit dhe Veterinës sa më parë që të jetë e mundur.
Ai tha se fatkeqësisht numri i gjedheve me indikacione të sëmundjes "Gungore të Lëkurës” është i madh dhe të cilat janë duke u trajtuar.
Drejtori Hajredin Gashi dhe Sadat Bajrami veterinarë përgjegjës, apeluan të bujqit që të informojnë për rastet e dyshimta, ndalimi i përkohshëm i lëvizjes dhe shitjes së kafshëve si dhe të izolohen kafshët me simptome të sëmundjes "Gungore të Lëkurës”./InfoKomuna/
Hani i Elezit: Katër raste të ngordhjes së lopëve nga sëmundja "Gungore të Lëkurës"
Hajredin Gashi Drejtor i Drejtoris Komunale të Bujqësisë, Pylltarisë dhe Zhvillimit Rural në raportin e fundjavës informon se nga data 01.08.2016 deri me 12.08.2016 janë katër raste të ngordhjes së lopëve nga sëmundja "Gungore të Lëkurës”. Kjo gjendje është konstatuar nga Inspektori regjional Selami Salihu.