Kryetari Totaj nënshkruan Marrëveshje Partneriteti me Organizatën Humanitare Gjermane Arbeiter – Samariter – Bund e.V (ASB)

Kryetari i Komunës së Prizrenit, Shaqir Totaj, ka njoftuar se sot, ka nënshkruar Marrëveshje Partneriteti me Organizatën Humanitare Gjermane Arbeiter – Samariter – Bund e.V (ASB) për projektin “Të bashkuar kundër dhunës në familje në Ballkanin Perëndimor – bashkëpunim rajonal dhe mbështetje për shtëpitë e sigurta për viktimat e dhunës në familje”.

“Qëllimi i kësaj Marrëveshjeje është të bashkë financohen nevojat e partnerit lokal Qendra e Strehimit të Fëmijëve dhe Grave - Prizren (QSFG-P), e lidhur në përputhje me kërkesat dhe objektivat e projektit, të konfirmuara nga Deklarata për Bashkëfinancim, e nënshkruar nga Komuna e Prizrenit më 12 shtator 2023, ku përfshihet prokurimi, furnizimi dhe montimi i sistemit fotovoltaik për QSFG-P.” – njoftoi ndër të tjera kryetari Totaj.