Megjithatë, para se të shqyrtohen pikat e paraparë të rendit të ditës, anëtarët e Kuvendit kanë parashtruar pyetje lidhur me punën e ekzekutivit komunal. Gjithashtu, u propozuan edhe dy pika të reja për shqyrtim në këtë seancë, të cilat edhe me shumicë votash u miratuan që të inkorporohen në këtë mbledhje. Krahas pikave të tjera, dy pikat e reja ishin ajo e propozuar nga shefi i grupit të Këshilltarëve të Partisë Demokratike të Kosovës (PDK) për financimin e shujtave ditore për shërbyesit civil, si dhe stafin teknik dhe mbështetës të komunës së Vitisë. Pikë tjetër ishte edhe ajo e propozuar nga drejtori I Drejtorisë për Urbanizim, Planifikim dhe Mbrojtje të Mjedisit, Visar Demiri, për hartimin e hartës zonale të komunës, me që nga MAPL ishte rikthyer për plotësim të vendimit të kaluar në seancën e fundit.
Sipas rendit të ditës i cili edhe u votua me shumicë votash nga anëtarët e Kuvendit u shqyrtuan dhe u votuan edhe këto pika:
- Propozim vendimit për Planit Lokal të Veprimit për Barazi Gjinore 2024-2026.
- Propozim vendimi për dhënien në shfrytëzim afatgjatë të pronës komunale përmes shprehjes së interesit në fshatin Budrikë të komuna së Vitisë për vendosjen te Bizneseve ne Parkun Industrial në Budrikë -Zona Ekonomike.
- Propozim vendimi për shpalljen në shqyrtim publik draft rregulloren për fillimin dhe mbarimin e orarit të punës së subjekteve të biznesit në komunën e Vitisë.
Të gjitha këto propozime vendime, përfshirë edhe dy pikat e reja që u përfshinë në këtë seancë për pagesën e shujtave për shërbyesit civil dhe ajo për hartat zonale, u miratuan me shumicë votash.
