Me këtë rast presidenti Vokrri, theksoi se “ky ishte premtimi ynë se më 6 qershor do ta ndriçojmë stadiumin ‘Adem Jashari’ dhe këtë e bëmë sot. Është një moment i veçantë për të cilin kemi pritur gjatë që të kemi një stadium me ndriçim ku mund të luhen ndeshjet edhe në mbrëmje në kushte shumë më të mira jo vetëm për lojtarë por edhe për shikues.
Ky është një investim i FFK-së, ndërsa në ditët e ardhshme shumë shpejt priten të përfundojnë edhe punimet tjera brenda stadiumit investim i Ministrisë së Kulturës, Rinisë dhe Sporteve. Kështu që ky stadium do të jetë i gatshëm për kategorinë e dytë për ndeshjet ndërkombëtare.
Në veçanti do t’u shërbejë klubeve tona që këtë vit e kanë fituar të drejtën për garat evropiane. Ndërkohë, nesër do të vijë për t’i mbikqyrë punimet në stadium inspektori i UEFA-s, z,Trygve Borno.
/InfoKomuna/
