Berati me Festival Multikulturor

Festivali në idenë e organizatës “Njerëz dhe ide”  vjen edhe si pjesë e kalendarit artistik veror që përgatiti disa muaj më parë Ministria e Kulturës, kalendar i cili është hartuar në bashkëpunim me Drejtoritë Rajonale të Kulturës dhe ka në vëmendje dhe qytete apo zona të ndryshme të vendit.

Organizatorët prezantojnë idetë dhe vizionin e edicionit të dytë të Festivalit Multikulturor Berat 2015.

Ndërgjegjësimi, angazhimi dhe shtimi i audiencës për të rinjtë në aktivitetet kulturore do të jenë tema kryesore që do të trajtohet në këtë takim.

Gjithashtu do të mirëpriten sugjerimet, punimet apo dhe angazhimet vullnetare nga pjesëmarrës, të cilët duan t’i bashkohen Festivalit Multikulturor që do të zhvillohet në datat 23, 24, 25 korrik 2015.