Nisin punimet në urën e vjetër të Vushtrrisë

VushtrriPostuar: 16:03 / 20.06.2017

Ka nisur të restaurohet ura e vjetër e gurit në Vushtrri, ku për këtë restaurim Ministria e Kulturës, Rinisë dhe Sportit (MRKS) ka ndarë 20 mijë e 358 euro.

Arkitektja dhe udhëheqësja e këtij projekti nga Instituti i Kosovës për Mbrojtje të Monumenteve (IKMM), Ardiana Qorraj, ka folur rreth realizimit të këtij projekti. “Në kuadër të zbatimit të aktiviteteve konservuese - restauruese për vitin 2017, Instituti i Kosovës për Mbrojtjen e Monumenteve ka filluar restaurimin - konservimin e urës së vjetër të gurit në Vushtrri.

Ky projekt ka për qëllim sanimin e dëmeve të shkaktuar pas rrënimit të parmakëve me bazamentet e tij, në një gjatësi prej 19.60 metra, si dhe konservimin e parmakëve dhe bazamenteve tjera që rrezikojnë demolimin e mëtejmë të urës. Projekti do të realizohet në tri faza: faza e parë parasheh largimin e vegjetacionit dhe dheut, faza e dytë konservimin dhe kthimin e 30’të parmakëve me 15 bazamente në vend, si dhe faza e tretë pastrimin e kalldrëmit pas largimit të vegjetacionit dhe dheut nga traseja e urës, në gjatësi prej 135 metra dhe gjerësi prej 5 m”, ka thënë Qorraj, raporton “Epoka e re”.

Ura e gurit në Vushtrri kur është ndërtuar kishte shërbyer për ta kaluar lumin Sitnica, por në shekullin XX ky lum ka devijuar rrjedhën e tij duke e lënë këtë urë pa lum. Tani kjo urë është bërë atraksion turistik. 

PrishtinëKomente: 0 Në Prishtinë filloi Festivali i grafiteve 14:54 / 18.05.2018 Sot, në rrugën “B” në kryeqytet ka filluar Festivali i grafiteve. Në këtë festival po marrin pjesë shumë artistë të këtij zhanri të artit grafik.
Komente: 0 Filmi “Martesa” shfaqet në Sydney Film Festival 11:07 / 17.05.2018 Edicioni i 65-të i festivalit të filmit ne Sidnei “Sydney Film Festival” (6-17 Korrik), në parneritet me “European Film Promotion” dhe “Screen International” shpalli këtë javë “Europe! Voices of Women in Film”: një program i 10 filmave të ri nga regjisoret e...
Komente: 0 Miratohet koncept-dokumenti për Filarmoninë, Operën dhe Baletin 14:47 / 15.05.2018 Në mbledhjen e Qeverisë, Ministri i Kulturës, Rinisë dhe Sportit, Kujtim Gashi, sot ka propozuar për miratim Koncept Dokumentin për Filarmoninë, Operën dhe Baletin, dokument i cili parasheh definimin e aspektit normativ për këto institucione të kulturës.
Komente: 0 Sot hapet ekspozita "Mjegull" 09:41 / 17.05.2018 Galeria Kombëtare e Kosovës sot do të hapë ekspozitën e radhës të titulluar “Mjegull”. Në këtë ekspozitë do të prezantohen punimet e artistëve: Albert Allgeier, Driton Selmani, Fatmir Mustafa-Karllo, Gazmend Ejupi dhe Luan Bajraktari. Kjo ekspozitë vjen e kuruar nga...