DnV-ja publikon rezultatet për dhjetë komuna
Demokracia në Veprim ka publikuar rezultatet preliminare për zgjedhjet lokale të 22 tetorit 2017 në Kosovë.
Sipas rezultateve, Gjilani do të shkojë në balotazh. Lutfi Haziri i LDK atje prin me mbi 43 për qind, ndërsa kandidati i Vetëvendosjes, Sami Kurteshi, me mbi 27 për qind.
Në balotazh do të jetë edhe Prizreni. Atje në raundin e dytë do të takohen Shaqir Totaj i PDK-së që ka marrë rreth 29 për qind, me Mytaher Haskukën e Vetëvendosjes me rreth 22 për qind.
Në Mitrovicë në balotazh shkojnë PDK-ja me rreth 30 për qind dhe AKR-ja me rreth 25 për qind.
Edhe në Ferizaj partia e parë ka dalë PDK-ja, që me kandidatin e saj Agim Aliu ka marrë 39 për qind, ndërsa kandidati i LDK-së, kryetari aktual Muharrem Svarça, ka marrë 31 për qind.
Pa balotazh e ka fituar Hanin e Elezit edhe kryetari i saj Rufki Suma, si kandidat i pavarur.
Obiliqi që udhëhiqej nga AAK-ja do të jetë në balotazh. Kandidati i saj arrin me rreth 46 për qind, e në balotazh është kandidati i LDK-së me rreth 26 për qind.
Kamenica shkon në balotazh, e atje për herë parë Vetëvendosje është e para. Në balotazh do të jetë me LDK-në.
AAK e LDK do të ballafaqohen në Suharekë. Atje kandidati i të parë ka marrë 39 për qind, e kryetari aktual 33 për qind.
PDK-ja e VV-ja do të ballafaqohen në Vushtrri. Kandidati i PDK-së ka rreth 32 e ai i VV-së rreth 27 për qind.
Nisma do të jetë në balotazh në komunën e vetme që udhëheq, ku kandidati i saj Ragip Begaj ka marrë rreth 39 për qind. Në Malishevë në balotazh do ta ketë kandidatin e PDK-së që ka marr rreth 27 për qind.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.