Ferizaj me punëtori për analizën e problemit për angazhimin publik më kuptimplotë
Misioni në Kosovë i Organizatës për Siguri dhe Bashkëpunim në Evropë (OSBE), gjatë ditës së sotme ka mbajtur punëtorinë njëditore ”Analizë e problemit për angazhimin publik më kuptimplotë”.
Në këtë punëtori morën pjesë , Kryesuesja e Kuvendit të Komunës së Ferizajt, Kristina Gashi-Bytyci, Selim Marevci, shef i kabinetit të Kryetarit të Komunës së Ferizajt Agim Aliu, zyrtarë komunal si dhe drejtues të OSBE-së.
Kjo punëtori ishte pjesë e Laboratorit të Qeverisjes Komunale, një nisme e re e misionit të OSBE-së në Kosovë. Kjo nismë ju ofron komunave të përzgjedhura mundësi unike eksperimentale për t’i trajtuar sfidat komplekse në fushën e angazhimit publik.
Objektivë kryesor i Laboratorit të Qeverisjes Komunale është që t’ju ndihmojë qeveritë komunale lidhur me përmirësimin e performancës së tyre në angazhimin e banorëve në politikë-bërjen dhe në zbatimin e tyre. /InfoKomuna/