MKRS-ja mbështet Ferizajn në projekte kulturore e sportive
Kryetari i Komunës së Ferizajt, Agim Aliu ka zhvilluar sot një takim me ministrin e Kulturës, Rinisë dhe Sportit, Kujtim Gashi.
Në këtë takim janë biseduar shumë projekte që do të zbatohen bashkërisht mes dy institucioneve si dhe mbështetja në aktivitetet e deritanishme kulturore e sportive që zhvillohen në Komunën e Ferizajt.
“Ferizajn e presin shumë projekte kulturore, rinore e sportive. Për këtë kam marr mbështetjen e fuqishme në takimin e sotëm me ministrin e Kulturës, Rinisë dhe Sportit, Kujtim Gashi. Komuna jonë ka traditën e gjatë të organizimeve të mirëfillta kulturore e sportive. Një traditë e tillë do të vazhdohet dhe zhvillohet me ide, investime dhe energji të reja”, tha kryetari Aliu.
Mbështetja nga Ministria e Kulturës, Rinisë dhe Sportit është siguria e implementimit të projekteve zhvillimore - afatgjata për kulturën, rininë dhe sportin në Ferizaj./InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.