Komuna e Fushë-Kosovës vazhdon përkrahjen ndaj fermerëve
Komuna e Fushë-Kosovës edhe në këtë kohë po vazhdon përkrahjen ndaj fermerëve duke ju shpërndarë fidane të ndryshme.
Halil Berisha, kryetar i Komisionit për shpërndarje të subvencioneve në Komunën e Fushë-Kosovës tha se po punojnë që fermerët të kenë mbështetje të vazhdueshme.
"Kryetari i Komunës, Burim Berisha vazhdimisht është angazhuar që fermerëve të u dalë në ndihmë. Edhe këtë vit ne po shpërndajmë fidane për fermerët e Fushë Kosovës", tha ai për RTK.
Sipas tij këto ditë po shpërndahen 4 mijë copë fidane të mollës dhe një mijë të kumbullës.
"Këtë vit kemi dhënë shumë subvencione. Deri më tani kemi shpërndarë 400 serra që janë dhënë në disa faza. Po ashtu kemi shpërndarë kultivatorë dhe multikultivatorë" tha ai.
Berisha bëri me dije se do të ndahen 18 krerë lopë dhe 30 mullinj për përzierje të koncentratit.
"Të gjithë fermerët janë të kënaqur me punën që po bën Komuna e Fushë Kosovë për të mbështetur fermerët. Kryetari po punon pa dallim nacionaliteti dhe po bënë që fermerët të kenë kushte më të mira për punë", tha ai.
Sipas tij për vitin 2018 do të rriten subvencionet për të gjitha kategoritë. "Për vitin e ardhshëm do të ketë më shumë mbështetje për fermerët tanë të cilët me punën e tyre po shtohet dita ditës prodhimi vendor dhe po rritet cilësia e prodhimeve kosovare", theksoi Berisha.
/InfoKomuna/
Komuna e Gjilanit shpërndanë fidane të mjedrës dhe materialit përcjellës për fermerët 10:35 / 16.04.2024 Komuna e Gjilanit, përkatësisht Drejtoria e Bujqësisë dhe Pylltarisë, ka shpërndarë fidane të mjedrës dhe material përcjellës për ngritjen e pemishteve me mjedër. 
Asfaltohet mbi 1 kilometër rrugë në lagjen Veli-Miftari në fshatin Jezerc 10:48 / 16.04.2024 Kryetari i Komunës së Ferizajt, Agim Aliu, ka njoftuar se është bërë asfaltimi i mbi 1 kilometër rrugë në lagjen Veli-Miftari në fshatin Jezerc.
Po shkon drejt përfundimit rregullimi i hyrjes së Prishtinës nga Gollaku 13:40 / 15.04.2024 Drejtori i Investimeve Kapitale në Komunën e Prishtinës, Krenar Xhaferi, ka njoftuar se janë në përfundim e sipër të rregullimit të hyrjes së Prishtinës nga Gollaku i bukur.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.