2 mijë euro gjobë për ekzaminerin gjakovar që mori ryshfet

GjakovëPostuar: 16:13 / 29.01.2018

Gjykata Themelore në Gjakovë, të hënën, e ka dënuar me dy mijë euro gjobë, ekzaminerin Luan Haxhishabani, pasi është shpallur fajtor për keqpërdorim të detyrës zyrtare, i cili akuzohej se kandidatëve për patentë shofer u kishte marrë para për t’ua kaluar provimin teorik.

Haxhishabani, është dënuar me gjashtë muaj dënim me burg, por i cili dënim iu zëvendësua në gjobë prej dy mijë eurosh si dhe u obligua që të dëmtuarve Blendi Koci dhe Artan Ndau, t’ua kompensoi shumën prej 300 eurosh, të cilat i kishte marrë me rastin e kryerjes së veprës penale.

Ky aktgjykim është shpallur, pasi që fillimisht kjo gjykatë ka aprovuar marrëveshjen për pranimin e fajësisë së arritur midis të akuzuarit dhe prokurorit Agron Matjani.

Sipas marrëveshjes së bërë më 12 dhjetor 2017, Luan Haxhishabani, parashihej të shpallej fajtor për veprën penale si në aktakuzë dhe të dënohej me 5 deri në 6 muaj burgim, i cili dënim do t’i zëvendësohej me gjobë në shumën prej 1500 deri 2000 euro.

Mbrojtësi i të akuzuarit, avokati Masar Vula, deklaroi se marrëveshja për pranimin e fajësisë është bërë në përputhje me dispozitat ligjore dhe pa ndikim apo presion ndaj të akuzuarit, andaj kërkon që pas aprovimit të saj si të tillë, ndaj klientit të tij të shqiptohet minimumi i dënimit të paraparë.

Sipas aktakuzës, Luan Haxishabani, akuzohej se gjerë në periudhën 19 gusht 2016, në qendrën për patentë shofer në Gjakovë, kishte keqpërdorë detyrën e tij zyrtare me qëllim të përfitimit të kundërligjshëm pasuror, në atë mënyrë që në pozitën e ekzaminierit- pyetësit për pjesën teorike të testit të patentë shoferit, kandidatëve Blendi Koci dhe Artan Ndau, iu ka marrë shuma parash prej 300 deri 400 euro, në mënyrë që të kalonin testin teorik.

Me këtë rast, i akuzuari Haxhishabani, ka kryer veprën penale “keqpërdorim i pozitës apo autoritetit zyrtar”, nga neni 422 i Kodit Penal të Republikës së Kosovës. /betimiperdrejtesi/.

MitrovicëKomente: 0 Mitrovica subvencionon 99 fermerë 14:49 / 18.10.2018 Komuna e Mitrovicës ka mbështetur 99 fermerë. 77 prej tyre janë pajisur me nga 200 kilogramë farë gruri dhe 100 kilogramë pleh artificial, 20 fermerë me nga 300 kilogramë farë gruri dhe nga 100 kilogramë pleh artificial dhe 2 fermerë me nga 300 kilogramë farë gruri dhe 150...
PrishtinëKomente: 0 Vetëvendosje kërkon shkarkimin e bordit të Stacionit të Autobusëve 17:11 / 18.10.2018 Lëvizja Vetëvendosje përmes një konference për media sot ka paraqitur keqpërdorimet që janë gjetur nga auditori i përgjithshëm për ndërmarrjen komunale “Stacioni i Autobusëve” dhe Trafikun Urban në Prishtinë, duke kërkuar nga kryetari i Prishtinës,...
PejëKomente: 0 Peja prej 4 muajsh pa inxhinier komunikacioni 11:21 / 18.10.2018 Drejtoria e Shërbimeve Publike e Pejës prej gjysmë viti ka mbetur pa inxhinier komunikacioni. Mungesa e tij vërehet edhe nëpër rrugët e qytetit, në të cilat në disa vende ka mospërputhje mes sinjalizimeve vertikale dhe horizontale të shënuara nga operatori.