Drenas: Miratohet buxheti për vitin 2018 mbi 14 milionë euro
Në mbledhjen e jashtëzakonshme të Kuvendit të Komunës të thirrur nga kryetari i Komunës, është miratuar buxheti i Komunës për vitin 2018 dhe buxheti i përgjithshëm për vitin e ardhshëm do të jetë 14,191,525, mbi 1 milion më shumë se vitin aktual, transmeton InfoKomuna.
Në mungesë të kryesuesit të Kuvendit, mbledhjen e ka kryesuar shefja e Grupit Parlamentar të PDK-së, Shqipe Zogu, ku fillimisht ishte zhvilluar një debat rreth pikave për rend dite e që ishin prezent të gjitha grupet parlamentare, përveç anëtarët e Kuvendit nga subjekti “Nisma”, mirëpo gjatë diskutimeve dhe miratimit të buxhetit përveç grupit parlamentar të PDK-së, të tjerat grupe nuk ishin prezent.
Buxheti për vitin 2018 është miratuar me 16 vota, sa edhe ishin prezent në mbledhje. Pas debatit të zhvilluar në Kuvend me plotësim ndryshime nga lista e projekteve kapitale është miratuar buxheti i Komunës për vitin 2018 i cili është mbi 14 milion dhe ne kuadër të këtij buxheti 4,395,349 euro është për shpenzime kapitale.
Në mbledhjen e Kuvendit është miratuar edhe Rregullorja për tatimin në pronën e paluajtshme për vitin 2018.
/InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.