Lladrovci viziton kompaninë "SGN-BAU BUCOLLI" në Gjermani, i fton të investojnë në Kosovë
Kryetari i Komunës së Drenasit, Ramiz Lladrovci, gjatë vizitës së fundit në Gjermani ka vizituar edhe kompani të suksesshme të cilat udhëhiqen nga Diaspora, me ç’rast u bëri ftesë që të investojnë edhe në vendlindje. Një vizite të tillë Lladrovci e realizoi në kompaninë e njohur në Stuttgard, SGN-BAU BUCOLLI.
Presidenti i kompanisë SGN-BAU BUCOLLI, Albert Bucolli, bashkë me stafin e tij e mirëpriti kryetarin Lladrovci me bashkëpunëtor dhe njëherit delegacionin e njoftoi për planet, projektet dhe objektivat e kësaj kompanie por edhe me sfidat që përballen gjate ekzekutimit të projekteve.
“E çmoj jashtëzakonisht lart interesimin e z Lladrovci dhe gatishmërinë e tij në përkrahjen e kompanive nga diaspora“, theksoi ndër të tjera Bucolli. Më tej Bucolli tha se shembulli i Lladrovcit duhet të ndiqet edhe nga liderët e tjerë Kosovar.
Nga ana tjetër, Lladrovci tha se është fascionuar me arritjet e kësaj kompanie, e cila udhëhiqet nga vëllezërit Bucolli nga Pokleku i Drenasit. Me këtë rast, Kryetari Lladrovci i bëri ftesë kompanisë SGN-BAU BUCOLLI që projekte të tilla ti sjellin edhe në vendlindje, respektivisht në komunën e Drenasit. Për më tepër, Lladrovci tha se do të angazhohet maksimalisht për të siguruar gjithë infrastrukturën ligjore për të gjithë investitorët e huaj e me theks të veçante bizneseve nga diaspora në mënyrë që të kenë investime të sigurta në komunën që ai drejton.
Me këtë rast, Presidenti i SGN-BAU BUCOLLI, Albert Bucolli, realizoi takime edhe me Zëvendës Presidentin e Parlamentit Evropian, Rainer Wieland, i cili vjen nga Grupi i Partisë Popullore Evropiane (Kristian Demokratët) për rrethinën e Stuttgard të Gjermanisë, me kryetarin e Gerlingenit, Georg Brenner dhe zyrtar të tjerë nga rrethina e Stuttgard. Në këto takime përveç projekteve të realizuara nga SGN-BAU BUCOLLI, gjithashtu diskutuam edhe për kontributin e vazhdueshëm të shtetit Gjerman për të ardhmen e Kosovës Evropiane, me ç’rast u dakorduam që në këtë drejtim nuk duhet te mungojë edhe kontributi i gjithë qytetarëve si në Kosovë ashtu edhe në Diasporë.
SGN-BAU BUCOLLI, është një ndër kompanitë e njohura ndërtimorë e cila operon për afër dy dekada me shumë suksese në Stuttgart dhe rrethinë, përveç realizimit të suksesshëm të projekteve te shumta, kjo kompani njihet edhe për përkrahjen e komunitetit në rrethinën ku operon. SGN-BAU Bucolli, është në pronësi të vëllezërve Albert, Arianit dhe Taulant Bucolli nga Pokleku i Drenasit.
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Asociacioni i Komunave dhe Swisscontact nënshkruan marrëveshje me dy komuna për zhvillimin e turizmit 10:43 / 17.04.2024 Në përputhje me objektivat e Projektit të SWISSCONTACT-it / Promovimi i punësimit në sektorin privat (PPSE) për fuqizimin e turizmit të qëndrueshëm në Komunat e Republikës së Kosovës dhe në bashkëpunim me Asociacionin e Komunave të Kosovës është...
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan.