AAK: Me vendimin për Istog është shkelur Kushtetuta

IstogPostuar: 15:16 / 27.12.2017

Aleanca për Ardhmërinë e Kosovës (AAK), ka pranuar zyrtarisht vendimin e Gjykatës Supreme e cila refuzon ankesën e AAK-së dhe i jep të drejtë Panelit Zgjedhor për Ankesa dhe Parashtresa (PZAP), lidhur me votimin në komunën e Istogut.

AAK thekson se është e dukshme se gjithçka tjetër është trajtuar në ankesa, qoftë nga PZAP apo në  Gjykatën Supreme, por vetëm faktet  jo.


Reagimi i plotë AAK-së:

“Me vendimin për Istog është shkelur Kushtetuta

Aleanca për Ardhmërinë e Kosovës (AAK), ka pranuar zyrtarisht vendimin e Gjykatës Supreme e cila refuzon ankesën e AAK-së dhe i jep të drejtë Panelit Zgjedhor për Ankesa dhe Parashtresa (PZAP),në rastin e rivotimit për kryetar të Komunës së Istogut.

Për AAK-në, është e dukshme që gjithçka tjetër është trajtuar në ankesa, qoftë nga PZAP apo në  Gjykatën Supreme, por vetëm faktet  jo.

Kushtetuta e Republikës së Kosovës e thotë qartë:

Neni 45 [Të Drejtat Zgjedhore dhe të Pjesëmarrjes]

Çdo shtetas i Republikës së Kosovës që ka arritur moshën tetëmbëdhjetë vjeç, qoftë edhe ditën e zgjedhjeve, gëzon të drejtën të zgjedhë dhe të zgjidhet, me përjashtim kur kjo e drejtë i kufizohet me vendim gjyqësor.

E vërteta është që, në procesin e fundit zgjedhor për Kryetar të Istogut, kanë votuar votues të rinj, të cilët kanë plotësuar moshën për të votuar, kjo është e drejtë kushtetuese e secilit qytetar të Republikës, por vota e tyre është eliminuar nga KQZ dhe është vërtetuar nga PZAP dhe Gjykata.

Fakti që ka votues që kanë votuar për herë të parë është pranuar edhe nga KQZ, PZAP dhe Gjykata Supreme, por çuditërisht kanë vendosur të jenë mbi Kushtetutën e vendit dhe të përcaktojnë kush ka të drejt të votoj e kush jo.

AAK, do t’i drejtohet Gjykatës Kushtetuese me kërkesë që të japi vendimin e saj në mbrojtje të Kushtetutës dhe të drejtave të qytetarëve të Republikës së Kosovës.

Tashmë për AAK-në,  nuk është në pyetje kush do të jetë kryetar i Istogut, por janë të drejtat dhe liritë themelore të secilit qytetar të Republikës të garantuara me Kushtetutën e Republikës së Kosovës, këto të drejta janë të pamohueshme dhe nuk mund t’i tjetërsoj askush.
/InfoKomuna/

MalishevëKomente: 0 Të gjitha rrugët janë të kalueshme në Malishevë 11:59 / 20.02.2018 Edhe përkundër reshjeve të vazhdueshme të borës në dy ditë e fundit, të gjitha rrugët në Komunën e Malishevës janë të kalueshme dhe nuk ka probleme, përfshi edhe rrugët në fshatrat e thella malore.
IstogKomente: 0 Tri vajza vdesin në një aksident në Istog 10:24 / 20.02.2018 Tre persona kanë vdekur në një aksident që ka ndodhur mbrëmë në magjistralen Istog - Pejë. Shkaktar i aksidentit dyshohet të jetë humbja e kontrollit të njërës nga veturat