Shtabi Emergjent Komunal diskuton për gjendjen me Covid-19 në Istog
Kryetari i Komunës së Istogut Haki Rugova ka mbajtur sot mbledhjen e radhës së Shtabit Emergjent Komunal, për të diskutuar gjendjen aktuale në komunën e Istogut, ku në bazë të raportimeve komuna e Istogut aktualisht ka vetëm dy raste aktive me Covid 19 të cilat janë në proces e sipër të shërimit.
Sipas raportimeve, gjendja aktuale është e qetë dhe stabile, komuna e Istogut është në bashkëpunim të ngushtë me Shtabin Emergjent Komunal, QKMF-në dhe Policinë e Kosovës, të cilët janë duke punuar vazhdimisht që situata të jetë nën monitorim dhe kontroll.
Shtabi Emergjent Komunal ka apel për të gjithë qytetarët e komunës së Istogut, që të përmbahen në mënyrë që të fitohet beteja kundër COVID-19.
“Apelojmë qytetarët t’ju përmbahen udhëzimeve dhe rekomandimeve të IKSHPK-së dhe Ministrisë së Shëndetësisë. Fakti i lehtësimit të masave nuk duhet të lejoj kthimin t'i ekspozohemi pandemisë, deri sa akoma nuk është e përfunduar beteja me COVID-19.
Duhet t'i përmbahemi distancës sociale dhe mjeteve mbrojtëse. Frekuentimi i shesheve, parqeve, shtigjeve dhe vendeve të tjera publike akoma është i kufizuar. Ju lutemi të keni durim edhe pak, të përmbaheni nga daljet e panevojshme. Bashkë të fitojmë ketë betejë dhe t'ia dalim mbanë". /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.