Ahmeti kërkon ruajtjen e aseteve dhe investimeve në Lipjan

LipjanPostuar: 12:54 / 13.09.2017

Kryetari i Komunës së lipjanit, Imri Ahmeti së bashku me përfaqësuesit e projektit DEMOS, sot në parkun e qytetit “Ismet Asllani”, kanë përuruar art instalacionin që ka për qëllim sensibilizimin e qytetarëve për një ambient më të pastër, të sigurtë dhe të shëndoshë për të gjithë.

Me këtë rast, kryetari Ahmeti ka falenderuar përfaqësuesit e projektit DEMOS për mbështetjen e vazhdueshme në realizimin e projekteve në Komunën e Lipjanit, si dhe profesorin Avni Qeriqi dhe nxënësit për realizimin e këtij projekti të përbashkët, transmeton InfoKomuna.

“Mesazhi që përqohet është në kuadër të projektit tonë për ruajtjen e aseteve dhe investimeve të deritanishme. Ky mesazh vetëdijësues duhet të shpërndahet tek të gjithë në mënyrë që të ndërpritet një lloj vandalizmi në dëmtimin e pasurisë tonë të përbashkët. Më vjen mirë që këtë ide sensibilizuese për ruajtjen e ambientit e kanë edhe nxënësit së bashku me profesorin dhe po besoj që kjo fushatë do të duhej të vazhdojë edhe në të ardhmën, për të kultivuar një kujdes akoma më të shtuar ndaj ruajtjes së investimeve që po bëhen”, tha kryetari Ahmeti.

Ky projekt është mundësuar nga Komuna e Lipjanit me përkrahje nga organizata Helvetas - projekti DEMOS.

Instalacioni artistik është punuar prej materialeve të reciklueshme nga nxënësit e shkollave fillore të Lipjanit nën udhëheqjen e arsimtarit Avni Qeriqi. /InfoKomuna/

FerizajKomente: 0 Aliu dhe Avokati i Popullit flasin për të drejtat e njeriut 14:14 / 23.01.2018 Kryetari i Komunës së Ferizajt, gjatë ditës së sotme ka pritur në takim Avokatin e Popullit, Hilmi Jashari, i shoqëruar edhe nga bashkëpunëtorët e tij. Gjatë këtij takimi janë diskutuar një mori çështjesh që përfshihen në misionin e Institucionit...
KlinëKomente: 0 Kryetri Elezaj kërkon nga KEDS-i furnizim më të mirë të rrymës 16:42 / 23.01.2018 Kryetari i Komunës së Klinës, Zenun Elezaj, është takuar me zyrtarët e Kompanisë rajonale dhe komunale të KEDS-it, me të cilët ka biseduar për gjendjen energjetike, furnizimin me rrymë elektrike dhe mundësinë e investimeve në këtë komunë.